Bogaskjótibreytin í Hoydølum er karmur um FM uttandura. Sum vanligt verður FM skipað sum eitt 720-umfar, og kappast verður í bogaflokkunum barebow, recurve og compound

FM í uttandura bogaskjóting verður á bogaskjótbreytini á fløtuni í Hoydølum leygardagin 24. august.

Kappingin byrjar klokkan 10 og upphitingin ein tíma áðrenn.

Kvinnur og menn kappast hvør sær í bólkunum barebow 50 metur, recurve 70 metur og compound 50 metur. Kappingin er skipað sum 720-umfar, har skotið verður 2 x 36 pílar.

FM-kappingin er fyri vaksnar skjúttar – ella í hvussu er skjúttar, sum orka at skjóta 72 pílar í nevndu frástøðum.

Vinaliga teknið til kappingina í góðari tíð og í seinasta lagi mánadagin 19. august. Til ber at tekna seg HER

Fyrivarni: Um líkindi ikki eru at skjóta 24. august, verður kappingin flutt til annaðhvørt dagin eftir, sunnudagin 25. august, ella til vikuskiftið eftir. Tað verður kunnað nærri um hetta her á heimasíðuni og á Facebook, tá kappingin nærkast.