14 skjúttar kappaðust í aldursbólkunum U16 og U12 í Miðvági í gjár, og hóast langa kappingarsteðgin bleiv okkurt met sett. U18 kappast saman við seniorunum í dag, og ætlandi verður tað leisturin restina av innandurakappingini

Vágaskot er hetta vikuskiftið vertur fyri fyrstu innandurakappingini í bogaskjóting í vetur, og teir 14 ungu bogaskjúttarnir, sum løgdu fyri í U16 og U12 í gjár, vóru so javnt býttir út á teir ymisku bólkarnar, at tað bara í tí eina bólkinum – hjá recurve-gentunum í U16 – var brúk fyri at skjóta hálvfinalu. Tríggir skjúttar vunnu gull uttan mótstøðu, og í fýra bólkum varð farið beinleiðis frá innleiðandi kappingunum til finalurnar, tí bara tveir skjúttar vóru í hvørjum bólki.

U18 skuldi eftir skránni eisini havt skotið í gjár, men fyri at gera tað lættari hjá unglingaskjúttunum eisini at luttaka í kappingini hjá seniorunum, blivu U18-kappingarnar fluttar til í dag, tá tey vaksnu kappast, og soleiðis verður tað væntandi restina av innandurakappingini.

Hóast teir yngstu skjúttarnir ikki hava skotið, síðan seinasta vetrarkappingin endaði tíðliga í vár, so hevði langi steðgurin ikki sett allar aftur í styrki. Hjá 10 ára gomlu Maiu Petersen úr Ørvi var tað beint øvugt – hon var gaman í einsamøll í bólkinum U12 gentur við berboga, har skotið verður í átta metur frástøðu, men megnaði at seta bæði persónligt met og føroyskt met í bólkinum. Hon fekk 293 stig í sínum innleiðandi og endaliga umfari, og tað er fimm stig meira enn gamla metið uppá 288 stig, sum Herta S. Heradóttir úr Vágaskoti átti. Úrslitið hjá Maiu í gjár var okkurt um 100 stig  betri enn hennara miðalúrslit í innleiðandi umførunum seinasta vetur.

Dreingir berbogi U12, 8 metur. Eiri Thomassen (Vágaskot), gull. Silvurvinnarin Tummas Eivindarson (Tambar) var farin, tá myndin varð tikin

Dreingir recurve U12, 8 metur. Juda Petersen (Ørvur), gull. Hetta var fyrsta kappingin hjá Juda, og tískil setti hann eisini persónligt met við sínum 422 stigum

Dreingir berbogi U16, 12 metur. John Brynjer á Skúr (Tambar), silvur, og Arthur Olsen (Tambar), gull

Gentur compound U16, 12 metur. Marta B. Poulsen (Ørvur), gull

Gentur recurve U16, 12 metur. Serafia Ró E. Ragnarsdóttir (Tambar), silvur, Lea Naomi H. Niclasen (Tambar), gull, og Anna Daisi Havmand (Tambar), bronsu

Dreingir recurve U16, 12 metur. Pauli Viderø Johannesen, silvur, og Jón Sjúrður Jóhansson (Vágaskot), gull

Úrslit, U16 og U12 leygardagin 1. november:

Gentur berbogi U12, 8 metur

Innleiðandi og endaligt:

Maia Petersen (Ørvur), 156+137 = 293.

Dreingir berbogi U12, 8 metur

Innleiðandi:

Eiri Thomassen (Vágaskot), 187+191 = 378.

Tummas Eivindarson (Tambar), 76+72 = 148.

Finala:

Eiri – Tummas, 6 – 0.

Dreingir recurve U12, 8 metur

Innleiðandi og endaligt:

Juda Petersen (Ørvur), 232+190 = 422.

Dreingir berbogi U16, 12 metur

Innleiðandi:

Arthur Olsen (Tambar), 215+210 = 425.

John Brynjer á Skúr (Tambar), 114+127 = 241.

Finala:

Arthur – John Brynjer, 7 – 3.

Gentur compound U16, 12 metur

Innleiðandi og endaligt:

Marta B. Poulsen (Ørvur), 257+256 = 513.

Dreingir compound U16, 12 metur

Innleiðandi:

Narvi E. B. Jensen (Ørvur), 282+281 = 563.

Rói Højgaard (Ørvur), 272+262 = 534.

Finala:

Narvi – Rói, 141 – 136.

Gentur recurve U16, 12 metur

Innleiðandi:

Lea Naomi H. Niclasen (Tambar), 190+169 = 359.

Serafia Ró E. Ragnarsdóttir (Tambar), 132+106 = 238.

Anna Daisi Havmand (Tambar), 46+63 = 109.

Hálvfinala:

Serafia Ró – Anna Daisi, 7 – 1.

Finala:

Lea Naomi – Serafia Ró, 6 – 2.

Dreingir recurve U16, 12 metur

Innleiðandi:

Jón Sjúrður Jóhansson (Vágaskot), 214+224 = 438.

Pauli Viderø Johannesen (Ørvur), 162+159 = 321.

Finala:

Jón Sjúrður – Pauli, 6 – 2.