Henda myndin og tann á forsíðuni eru frá kappingini í Sødarfirði 22. og 23. november
Næsta kapping verður í Søldarfirði
- 28.nov.2025
- Lagt út hevur: Nevndin
Suðuroy lýpur um hesa ferð, og tí verður Ørvur vertur fyri kappingini næsta vikuskifti, 6. og 7. desember
Eftir skránni skuldi Team SuðurSkot í Suðuroy verða vertur fyri innandurakappingini næsta vikuskifti, men av ymiskum orsøkum berst teimum frá, og tí verður kappingin í staðin hjá Ørvi í Søldarfirði.
Leygardagin 6. desember kappast U12 (8 metur frástøða) og U16 (12 metur frástøða), og sunnudagin 7. desember kappast U18 og tey vaksnu – seniorarnir – í 18 metur frástøðu.
Báðar dagarnar byrjar kappingin klokkan 14 og upphitingin ein hálvan tíma áðrenn.
Fyrivarni verður tikið fyri, at broytingar kunnu henda í tíðarsetingunum.
Seinasta freist at tekna seg er týskvøldið 2. desember á midnátt, og leinki at tekna seg er HER.